اللسان ديال العجل من كوزينتي

هده أول مشاركة ديالي كنتمنى تعجبكم
نقيت اللسان، كانغطسو فالماء الساخن باش يسهال علينا نزولو الجلدة اللي كتكون مغلفة اللسان،
من بعد، حكيت فكوكوت بصلة متوسطة + اللسان مقطع طريفات + درس ثوم محكوك + زيت بلدية و رومية + ملح + ابزار + كامون بزايد + تحميرة + السودانية + قزبور حبوب + قلب الحامض مسير + الربيع مقصص رقيق
خلي الكل يتقلى شوية، مرقيه و سدي عليه كوكوت حتى يطيب.
جربوه فعلا كيجي خاتر واقف في يدامو
ممكن كذلك إلى بغيتي تخضريه بشوية ديال البطاطا
انا شخصيا كيعجبني هكداك مع شليضة أو مراق لطبق رئيسي آخر