ليوم جربت الملفوي لاول مرة و حاولت نديرها بمداق خاص و مميز (بحال للكنخدها من بعض المحلاة
و اخترت نديرها بالكراميل و بديت نصور فالمراحل باش نزلها ليكم و لكن مع الاسف تهرست لي لباط فيتي و دربتلي كلشي ف 0
سمحولي على هاد العطب كنت كنتمنا نتشاركو هاد التجربة
و لكن رغم دالك رني كملتها جا مدقها زوين ولكن المنضر على قد الحال
غدي نزلكم الصورة وخا مرضياش على النتيجة ملفوي بالكراميل
مرة اخرى انشاء الله نجربها و نزلها ليكم مفصلة
حبيباتي شكرا ليكم كاملين على التشجيع
غدي نحاول نقربكوم للوصفة
بالنسبة العجين المورق اناكنشريه جاهز(مكنعرفلوش) كنسرحوه فلاطة ديال الفران نتقبوه كلو و نرشوه بشوية تسنيدة و كندير فوق اللاطة ورق المنيوم ونزيدو حموص باش تتقال و متنفخش فالطياب
ملفوي بالكراميل
Uploaded with ImageShack.us
ملفوي بالكراميل
Uploaded with ImageShack.us
نخلوها حتى الطيب من تحت زولي ورق الالمنيوم و الحموص و نحمرها من فوق
ملفوي بالكراميل
Uploaded with ImageShack.us
بالنسبة للكريم بتيسري بالكراميل
اولا نوجدو الكراميل
كنديروا حوالي 60 غ سنيدة فكسرونة فوق نار مهيلة حتى يدوب و يرجع لونه دهبي نزيودو عليه نص كاس حليب سخون(او كريم فريش الى موجودة)نحركو بسرعة بملعقة خشبية منين ينسجمو حيديه من فوق النار
كنخدو الحليب للغنديرو بيه كريم بتيسري ( نصف لتر مزولين منو كاس صغيور) كنسخنوه فوق العافية نطفو عليه و نزيدو عليه الكراميل لى وجدنا من قبل
هنا كنوجدو كريم بتيسري كما العادة ان كندير 3 اصفر بيضة 50غ سكر فاني معلقة كبيرة فورص و معلقة كبيرة ميزينا شوية الحليب (من الحليب المكرمل) ندربهم بالباتور او طراب نزيدو عليه الحليب للبقانا و نديروه فوق عافية مهيلة مع التحريك حتى يعقد نزيدو نص معلقة صغيرة قهوة سريعة الدوبان و نحركو حتى دوب و نطفيو عليها
كنقسمو العجيين على تلاتة نديرو لكريم في جيب الحلواني و فرقيه بتساوي
فوق الورقة الاخيرة درت كراميل عادي (بحال للدرت مع لكريم ) غ انا ضاعفت الكمية منين وجدلي الكرميل طفيت العافية و زدت معاه ورقة جيلاتين مرطبة فالماء و نخلط حتى دوب
غدي نخلي الخليط يبرد شوية و نديرو فوق الميلفو تم دوبت شكلاط مع شوية للحليب و كملت بيه الزواق (يمكنلك تكتفي غي بالكراميل من فوق)
دخليها التلاجة شي 6 او 5 سوايع جبدها و قطعيها بسكين ماضية بزاف باش متخسرلكش
اوا قبلو عليا
ملفوي بالكراميل
Uploaded with ImageShack.us
ملفوي بالكراميل
Uploaded with ImageShack.us
ملفوي بالكراميل
Uploaded with ImageShack.us