كفتة السردين مقلية يا سلام

كفتة السردين مقلية يا سلام مداقها غزال وممنسمش بالحوت
غادي نحتاجو:
السردين على حسب عدد افراد الاسرة ، غادي نعطيك مقادير 1،5 كيلو
بصلة متوسطة + نصف فلفل احمر + نصف فلفل اخضر ، 4 فصوص توم (انا درت غي فلفل اخضر ) نطحن هاد العناصر نستقطروهم من الماء
السردين مغسول ومنقي ومطحون
كاس روز مسلوق ومطحون مع م ص زيت بلدية
التوابل : ملح ، ابزار ، تحميرة ، سكين جبير ، قرفة بزايد ، كمون
الربيع
نخلط الكل وندخله الثلاجة يتشرب مدة ساعة من بعد نجبدوه ونديريه ڭريصات ونمرمدوهم فالدقيق وندخل الفريڭو مدة نصف ساعة عاد باش نجبدوه ونقليوه
سمحولي مصورتش فاش كورتهوم ومرمدتهوم في الطحين راه ولدي كان تيبكي وتلفت
جربوه وردو عليا الخبار مغاديش تندمو